Udako jarduerak 2007

Urtaro ezberdinetan barna Zenbat Gara Elkarteak bere jarduerari ekiten dio. Ez dugu atsedenik hartzen; are gehiago, aurtengo udari begira ugaldu egin dugu gure eskaintza zabala.

Haur, gazte zein heldu, bakarka, taldeka zein familia giroan, Bilboren bihotzean, Nafarroako natura erdian zein Bizkaiko itsasoak musukatzen duen Ondarroan, aukera zabal eta paregabeak esku-eskura eskaintzen dizkizugu: ikastaroak, barnetegiak, tailerrak, oporrak, haurrak, gazteak, helduak, familiak eta jaiak izango dugu 2007ko udan.

Esaterako, Ondarroako Arrigorri itsas pentsioa udako oporrak pasatzeko leku ederra da, zerbitzu asko dituena eta familientzako kalitatezko ostatu eskuragarria ematen duena.

Uda euskara ikasteko profitatu nahi dutenentzat, berriz, ikastaro trinkoak edo barnetegiak aukera daitezke.

Gabriel Aresti euskaltegiak Bilbon euskara ikastaro trinkoak eskainiko ditu: uztailean, abuztuan edo irailean egin ahal izango dira hilabeteko ikastaroak, goizez eta arratsaldez eta urrats guztietarako. Helduentzako eta gazteentzako trinkoak izango dira.

Helduentzako barnetegiak izango ditugu Bakaikun (Nafarroa), uztailean, abuztuan eta irailean. Ondarroan (Bizkaia) uztaila hasieran eta irailean izango dira barnetegiak. Leku biak konbinatzen dituen Itsasmendi aukera ere izango da uztailean eta irailean, astebete Arrigorrin (Ondarroa) eta beste astebete Bakaikuko etxean tartekatuko dituen egonaldi bikoitza.

Bilbon, berriz, loa nork bere etxean egitekoa den bana gainerakoan barnetegi jarduerak eta ordutegiak dituen eskaintza berezia prestatu dugu helduentzat uztailean, abuztuan eta irailean.

Gazteentzako barnetegiak (16 urtetik gorakoentzat) izango dira Bilbon (loa etxean) eta Bakaikun (Nafarroan). Maila guztiak eskainiko dira 4. mailatik aurrera, baita EGA eta Mintzamena ere. Egunero eskolak emango dituzte, tailerrak egin, txangoak, kontzertuak eta bestelako jarduera asko.

Helduentzako tailerren eskaintza udan ere izango dugu, euskaraz mintzatu bitartean lanbideak ikasi eta lagunak egiteko baliagarriak. Uztailan, abuztuan eta irailan izango ditugu udako tailerrak Bilbon, astearte eta ostegunetan, goizez eta arratsaldez.

Azkenik, gogoratu beharra dago datorren ikasturterako Antzeztegia prestatzen ari dela Kurkuluxetan umegunea eta Aste Nagusian ALGARA konpartsak giro euskaldun eta alaia sortuko duela bere ekitaldien egitarau interesgarriarekin.