Oroterapia tailerra

Oroterapia berez gure bizitzaren esparru guztiak hartzen dituen teknika izan arren, kasu honetan bere eragina euskalduntze prozesuaren arlora mugaturik eskaintzen du. Izan ere, eguneroko bizitzan ditugun arazo eta korapilo psikologikoak, kontzienteak zein inkontzienteak, berdintsu islatzen dira euskalduntze prozesuan ere. Lotsaz, beldurraz, estresaz, motibaziorik ezaz eta oztopoak gainditzeko indar faltaz ari gara. Beste hizkuntza bat ikastearen erronkak, gure bizitzako beste edozein erronkak bezala, tentsioa sorrarazten du gure baitan, eta tentsio horrek gure muga, gabezia eta ezintasunak areagotu besterik ez du egiten. Gauzak horrela, Oroterapia Tailerreko arduradunak hizkuntzak ikasterakoan izan ohi ditugun eragozpenak nola gaindi ditzakegun irakasten saiatzen dira.