Masaje tailerra

Helburu lasaigarri eta sendagarriz gorputzari ematen zaizkion igurtzimenduak antzinako sendabidea dira, gaur egungo gizarte presatu-estresatu honetan inoiz baino beharrezkoago bihurtu direnak. Zenbat Gara elkarteak antolaturiko masaje tailerrak urrunago heldu nahi izan du eta partaideei masajeak hartzen ez ezik, masajeak ematen ere irakasten die. Mota guztietako masajeak lantzen badira ere, masaje terapeutikoak eta automasajeak leku garrantzitsua hartzen dute tailerraren barruan. Saio bakoitzak hiru atal nagusi dauzka: beroketa eta luzamenduak, gai bakoitzaren lanketa eta masaje mota guztien aurkezpena eta praktika. Bide batez, beste hainbat gai gai ere lantzen dira tailer honetan: arazo posturalak, azalaren arazoak, alergiak.