Literatura tailerra

Euskal literaturako pertsonaia batek behinola esan zuenez, «liburuak buruaren eta munduaren ate ilunak zabaltzen ditu». Egia da, literaturaren barnean geure buruari eta munduari egiten dizkiogun galdera guztien erantzunak aurki ditzakegu, nahi izanez gero. Literaturan, gainera, era guztietako munduak sartzen dira: egiazkoak eta alegiazkoak, oraingoak eta lehengoak, indibidualak eta kolektiboak, tesiak eta antitesiak, etab. Literatura pentsamendu, gogoeta, eztabaida eta gozamenerako ate irekia izan da beti. Hauxe dugu, hain zuzen ere, Literatura Tailerraren xede nagusia. Alegia, euskal literaturako zenbait pasarte esanguratsu elkarrekin irakurriz eta ko-mentatuz, tailerkideengan literaturtasunarekiko grina piztea eta, bide batez, gure literaturaren ezaugarriak eta balioak ezagutzera ematea. Beraz, tailerrean zehar euskal idazle gailenen errepasoa egiten da eta, halaber, genero eta gai ugari ukitzen dira.