Enologia tailerra

Azken urteotan enologiak sona eta arrakasta handia lortu du jende askoren artean eta ez da harritzekoa, lagun batzuekin gaudela, ardo ona neurrian edatea, ekintza soziala izateaz gain, benetako plazerra ere badelako gutako askorentzat. Gainera, enologian murgildu ahala, laster ohartzen gara ardogintzaren barruan mundu oso bat dagoela, kultura ere ukitzen duena. Hain zuzen ere, gure Enologia Tailerrean ardogintzaren prozesu eta sekretu nagusiak ikusi ondoren, ardo dastaketari ekiten zaio, ardo mota bakoitzaren ezaugarriak zehatz-mehatz deskribatuz eta, bide batez, gure kulturarekiko loturak aipatuz (euskal ardoen mapa eta haien deskribapena, lagun arteko kantak, etab.).