Clown tailerra

Norbaitek behinola esan zuenez, pailazoaren umore, samurtasun eta nahasmenaren erdia berak egiten dituen gauzetan omen dago, eta beste erdia, aldiz, berari so dauden begietan. Hau da, aitortzen ez badugu ere, denok gara pailazo neurri batean edo bestean, baina gizartearen ohiturek eta azturek barne-barneko sentimendu horiek ezkutatzera behartzen gaituzte. Clown Tailerrak gure baitako sentimendu eta adierazmenak azaleratzeko oinarrizko teknikak eskain-tzen dizkigu helburu bikoitz batekin: alde batetik, geure nortasunari askatasuna ematea eta, bestetik, besteengana jatortasunez hurbiltzea.