ZENBAT GARA - Bizitza & hitza aldizkaria

ZENBAT GARA aldizkariak gure elkartearen jarduera anitzen isla izan nahi du, gure hizkuntza komunitateari Zenbat Gararen lanaren berri emateko. Bestalde, gogoeta eta informazio interesgarriak agertu nahi ditugu soziolinguistika antropologia eta euskal kultura hizpide eta aztergai.

Hitza eta bizitza milaka sokaz lotuta daude, hizkuntza bizitza baita. Bizitza bera hizkuntza bat izanik, beronen taupada eta erregistro anitzak sentitu behar dira. Bizitzaren eta hizkuntzaren inguruko gaiak, bizipenak eta gogoetak biltzea dugu helburu ZENBAT GARA aldizkarian.

Halaber, beste hizkuntza eta kultura asko badira munduan. Gure artean zein munduko beste bazter batzuetan diren hizkuntza eta kultura interesgarriak, ezezagunak, esperientzia aberasgarriak, gogoeta baliagarriak... islatu nahi ditugu, aniztasunaren defentsa egiten gurearena ere egiten dugulako.

ZENBAT GARA aldizkaritik hartutako zenbait testu interesgarriren aukera txikia aurkituko duzu dokumentuen atalean, Sakonago izenburupean.