GARA argitaletxea

Badira zenbait urte sortzen ari ginen irakaskuntza eredurako ikasmaterialak argitaratzeari ekin geniola. Berriketan zein Berbetan izenburupean ugari dira ikasle zein irakasleentzat landu diren liburuak, lehen urratsetik hasi eta EGAraino. Baina Gara argitaletxearen zeregina ez da horretara murriztu, euskalduntze prozesuaren urrats ezberdinei egokitutako irakur liburu mailakatuak ere kaleratu baitira.

Horrez gain, pentsamendu eta dibulgazio alorreko lanak ere argitaratu ditugu. Horra hor, adibide gisa, Jon Sarasuak idatzitakoa: «Txepetxekin solasean, Biziaren hizkuntzaz».