Bakaikuko etxearen erabilerak

Bakaikuko etxea bere barruan denetariko erabilerak hartzeko pentsatuta dago. Izan ere, bere kokapen paregabeak, etxearen beraren ezaugarriak, ekipamenduak eta hurbiltasunak benetan egokia bihurtzen dute Bakaikuko etxea, bertan urte osoan zehar euskaltegietako taldeak, eskola zein ikastoletakoak, barnetegiak, lagun taldeak zein familiak hartzeko. Era berean, guztiz egokia da, ingurune ezin ederrago batean, mota guztietako elkarte, erakunde eta abarrek euren topaketa, jardunaldi eta mintegiak egiteko.

900 metro koadroko eraikuntza: jangela, liburutegia, ikasgelak, lorategia... Aisialdirako toki ezin hobea, frontoi ederra. Bakaiku etxea, taldeak hartzeko prestaturik dago (90 pertsonaraino). Otorduak bertako sukaldean prestatzen dira. Logelak 2/4/6 lagunentzako prestaturik daude.

Etxeko instalazioetan neguko hotza berotasun bihurtzeko berogailu sistema zentralizatua dago. Sukaldea ederra da eta ondo hornituta dago lagun askori jaten emateko. Ostatuaz gain 100 metro koadroko areto batean telefono publikoa, ping-pong mahaia, telebista-bideoa eta musika jarri dugu.