Bakaiku herria - Euskal Herriko bihotzean

Sakana-Burunda bailaran, Aralar eta Urbasa artean, naturaz inguraturik eta eskualde euskaldun batean kokaturik. Bilbo, Baiona, Maule eta Garazitik 100-120 kilometrora. Iruñea, Gasteiz eta Donostiatik 50-60 kilometrora dago Bakaiku.

 

 

Bertara heltzeko
Gasteiztik Iruñerako bidean etorrita, Altsasun Iruñerako norabidea hartu eta Iturmendi-Bakaiku irteera hartu. Eskumarako norabidea hartuz, bidegurutzean ezkerretara eginez Bakaikura helduko gara.

 

Zenbat Gara elkartea euskaraz bizitzaren muinetik sortu da, gero eta osatuago bizitzen joateko nahiarekin. Elkarteak hizkuntz komunitatearena du hats eta ardatz —Euskararen nazioa— berezko lurraldean, Euskal Herrian. Eta Herri honen bihotzean, euskararen erraietan duzu BAKAIKU. Sakana-Barrankan kokaturik, Urbasa eta Aralar artean, Etxarri-Aranatz eta Altsasu erdian. Herri benetan ikusgarria, bertako pasaiek naturaz gozatzeko aukera paregabea eskaintzen digute. Herri txikia bezain gozoa, non nekazal bizimodua, abereak, arbolak... ikus eta dasta ditzakegun.

Herrian bertan udal frontoia dago; estalia izanik, bertan kirol ezberdinak egin ahal dira. Bestalde, igerian egiteko aukera ezberdinak dituzue: Batetik Urdiainen, bestalde, Etxarri-Aranatzen eta baita ere Arbizun. zein Azken herri honetako kiroldegiak aukera anitzak ditu igerilekuaz aparte. Jakuzi, sauna, turkiar bainua, eta squasha. Halaber, aukera ezin hobea zaldi ibilaldiak egiteko. Inguruak, oinez zein bizikletaz egiteko, ibilaldiak eskeintzen ditu.
Hau da beraz, astean zehar zein asteburuak, oporraldiak zein ikastaroak bertan emateko paradarik ederrena. Zure esku dago ezagutzea.