Bakaikuko etxea

Bakaikuko Etxea Burunda eskualdean kokatua dago, Aralar eta Urbasa artean. Bertan Zenbat Gara elkarteak 900 m2ko eraikina du, egungo erosotasun guztiez ederki hornitua dagoena. Oro har, natura eta, batez ere, basoa eta mendia maite dituztenentzat leku ezin aproposagoa. Asteburuak zein jaiegunak igarotzeko toki zoragarri honek makina bat aukera eskaintzen ditu, bai herrian bertan eta bai aldameneko Etxarri-Aranatzen edota Altsasun, familia zein lagunen arteko giroan egun ahaztezinak bizitzeko.

Bakaikuko Etxean, bestalde, helduentzako euskara barnetegiak eta gazteentzako udalekuak antolatzen ditu Zenbat Gara elkarteak, etxeak izan ditzakeen beste erabilera batzuren artean.