Gabriel Aresti Euskaltegia

Gabriel Aresti euskategia Bilbo erdi-erdian kokatua dago, Gran Via 24an. Bertaratzeko, metroko Moyua geltokiko irteera (Diputazioa) 20 metrora dago.

Helduak euskalduntzea eta euskaraz trebatzea da gure jarduna. Lan horretan 30 urtetik gorako esperientzia dugu eta gaur egun, 1.500 inguru ikasle ditugu matrikulatuta. Bilboko euskaltegi nagusia dela esan daiteke.

Goizeko 8etatik gaueko 10etarako ordutegia daukagu eta maila zein erritmo desberdinetako ikastaroak: egunero 2 edo 4 ordukoak edota astean bizpahiru egunekoak. Halaber, barnetegiak antolatzen ditugu Bakaikun eta Ondarroako Arrigorrin.

Euskaltegi hau ofiziala da eta HABEk homologatua. Gure material didaktikoa daukagu, oso ezaguna eta estimatua. EGA, administrazio eta irakaskuntzako hizkuntza eskakizunak (profilak) prestatzen ditugu, emaitzak bermatuz.

Hasiera-hasieratik hitz egiten hasteko metodologia propioa eta modernoa daukagu, arina eta edonoren beharrizanei egokitua. Jadanik 25 tailerretik gora dauzkagu martxan, ikasleek bakoitzak bere gustoen arabera aukeratzeko, euskaraz mintzatu bitartean hainbat jarduera ikas ditzaten.

Gure berezitasuna ikasleak erakartzeko eta lagunarte berri euskaldunak sortzeko dugun gaitasuna da. Izan ere, eskola ordutegitik kanpo euskara hutsezko ekitaldi mordoa dauzkagu: asteburu antolatuak irakaslearekin, jaiak, kontzertuak... Informazio gehiago aurkituko duzu Gabriel Aresti euskaltegiaren webgunean edo 94 423 75 91 telefonoan.